A SPECIAL DAY · JUST FOR YOU

A Letter From My Heart

Happy Birthday, My Love

♥
Tap the wax seal to open

Happy Birthday, my love

♡

مرقوا سنين وحبي إلك كل يوم بزيد أكتر من اللي قبله. كان مخططنا السنة الماضية نحتفل سوا بهاليوم بسس شاءت الأقدار ولسى المسافة بعيدة بيناتنا ولسى مستنية اليوم اللي نعيش فيه كل هالتفاصيل مع بعض. ❤️

اليوم مش بس يوم ميلادك اليوم عيد ميلاد الشخص اللي صار جزء كبير من قلبي وحياتي، واللي وجوده خلى لكل شي معنى أحلى. 🥹

إن شاء الله سنينك الجاية تكون كلها فرح وراحة بال وتحقق فيها كل اللي بتتمنى وتشوف حالك بالمكان اللي بتحلم فيه وأكون دايماً مشاركتك فرحتك و اكون جنبك بكل ظروفك، وما يكون في يوم حلو أو صعب إلا وإحنا سوا نضحك فيه أو نهون على بعض.

يمكن اليوم المسافة مانعتني أكون جنبك وأحضنك بس لو بإيدي كنت اخترت أكون أول حضن وأول وجه تشوفه بهاليوم وبكل أيامك كمان.

وعقبال ما نجتمع عن قريب، ونصير ببيت واحد تتصبح وتتمسى فيني وبمشاكلي وتكتشف إنو الحب إلو ضريبة كمان 😌😂❤️

كل سنة وإنت حبيبي، وكل سنة وأنا بختارك من جديد. ولو رجع فيني الزمن لأول يوم عرفتك فيه، ما رح أغير ولا تفصيل… رح أختارك من جديد، وأعيش كل اللحظات معك من أولها.

بحبك علوئتي🤎